ایک ہی خاندان کے 5افراد کا قتل

جے پور۔۔۔۔راجستھان میں الور کے شیواجی تھانہ علاقے میں بدمعاشوں نے گھر میں سورہے ایک ہی خاندان کے 4بچوں سمیت باپ کو دھار دار آلے سے قتل کردیا۔ واقعے کا پتہ صبح اس وقت چلا جب مقتول کی بیوی کمرے میں گئی تو بچوں اور شوہر کو خون میں لت پت دیکھ کر چیخنا شروع کردیا۔ خاتون کی چیخ سن کر گھر کے لوگ اور پڑوسی جمع ہوگئے جنہوں نے پولیس کو واقعہ کی اطلاع دی۔ پولیس نے لاشوں کو قبضے میں لیکر پوسٹ مارٹم کیلئے بھیج دیا۔ قتل کی وجہ معلوم کرنے کیلئے لوگوں سے پوچھ گچھ کررہی ہے۔