چین میں دنیا کا سب سے پتلا ٹی وی سیٹ

بیجنگ.... چین میں دنیا کا سب سے پتلا ٹی وی سیٹ مارکیٹ میں لایا گیا ہے جو آئی فون8 سے زیادہ پتلا ہے۔ اسے چین کے صوبے شین زین کے ایک اسٹور میں فروخت کیلئے پیش کیا گیا ہے۔ اسکی اسکرین صرف 3.65ملی میٹر کی ہے۔ 65انچ کے اس ٹی وی کی قیمت 4700پونڈ جبکہ 77انچ کے ٹی وی کی قیمت 16 ہزارپونڈ ہے۔ ٹی وی اتنا ہلکا ہے کہ آپ اسے صرف انگلیوں کی مدد سے اٹھاسکتے اور کسی بھی شیشے پر ٹانگ سکتے ہیں۔ چینی سینٹرل ٹیلیویژن نے ماہرین کی ایک ٹیم کو لیباریٹری میں اس ٹی وی کے تجزیے کیلئے بھیجا ہے۔ اس دوران ایک ماہر کو اسے صرف انگلیوں کی مدد سے اٹھاتے ہوئے دیکھا گیا۔ چین اس وقت ٹی وی تیار کرنے والا دنیا کا سب سے بڑا ملک ہے اور وہ دنیا میں فروخت ہونیوالے ٹی وی سیٹس میں سے 60فیصد تیار کرتا ہے۔