نیویارک حملے کے دہشتگرد کو سزائے موت ہونی چاہئے

    نیویارک۔۔۔ امریکی صدرڈونلڈ ٹرمپ نے کہا ہے کہ مین ہٹن میں بدترین دہشتگردی کرنیوالے کو سزائے موت ہونی چاہئے۔نیویارک میں ہونے والی دہشتگردی پر امریکی صدر ڈونلڈ ٹرمپ نے سوشل میڈیا پر اپنے بیان میں کہا ہے کہ ملزم کو نہ تو خود پر لگائے گئے الزمات کے دفاع میں کوئی دلچسپی ہے اور نہ ہی وہ اس بدترین عمل پر شرمندہ ہے۔ملزم نے اس بات پر خوشی کا اظہار کیا ہے کہ اسکے کمرے میں کالعدم داعش کا جھنڈا لگایا جائے۔ اس نے 8 لوگوں کو ہلاک اور 12 کو زخمی کیا۔ ایسے شخص کو تو سزائے موت ہونی چاہیے۔ امریکی صدر نے امریکی نظام ِ انصاف کو بھی تنقید کا نشانہ بناتے ہوئے کہا کہ ہمیں سیکیورٹی کو مزید سخت کرکے مزید کڑی سزاؤں کا نظام وضع کرنا ہو گا۔ انہوں نے  ویزا لاٹری پروگرام ختم کر نے کا بھی عندیہ دیا ہے جس کے تحت سیف اللہ امریکہ آیا تھا۔