سعودی قیادت پر سیسی کا اعتماد

قاہرہ .... مصری صدر عبدالفتاح السیسی نے واضح کیا ہے کہ انکا ملک خلیج عرب کے اپنے اتحادیوں کے ساتھ ہے۔ انہوں نے ایران سے مطالبہ کیا کہ وہ پڑوسی ممالک کے امور میں مداخلت بند کرے۔ السیسی نے شرم الشیخ میں منعقدہ دنیا بھر کے نوجوانوں کے فورم کے موقع پر صحافیوں سے گفتگو میں کہا کہ علاقائی بحرانوں کو مکالمے کے ذریعے حل کیا جاسکتا ہے۔ مصری صدر نے کہا کہ سعودی عرب کی صورتحال تسلی بخش اور مستحکم ہے۔ ہمیں سعودی قیادت پر پورا بھروسہ ہے۔