مکہ مکرمہ ۔۔۔مکہ مکرمہ کی پولیس نے متعدد سرکاری اداروں کے تعاون و اشتراک سے سیکیورٹی آپریشن کر کے اقامہ و محنت قوانین کی خلاف ورزی کرنیوالے 451تارکین کو گرفتار کر لیا ۔ مکہ مکرمہ پولیس کے ترجمان نے بتایا کہ حوش بکر اور حارة یمن میں چھاپے مارے گئے تھے ۔ صبح سوےرے تک کارروائی جاری رہی ۔مکہ مکرمہ پولیس غیر قانونی طور پر مقیم افراد کی پکڑ دھکڑ کےلئے مہم چلائے ہوئے ہے ۔ متعدد محلوں میں چھاپے مارے جا چکے ہیں ۔ دیگر کےخلاف کارروائی کا پروگرام ہے ۔
