نا امیدی موت ہے یہ کہاوت اکثر آپ نے سنی ہوگی . ناامیدی کامیابی کی طرف بڑھتے قدم روک دیتی ہے ، انسان سے ہمت ،حوصلہ اور کام کرنے کی لگن چھین لیتی ہے اور اسے نکما اور بے کار کر دیتی ہے . یہ انسان کو مایوسی کی جانب لے جاتی ہے جس کے نتیجے میں منفی رویے تشکیل پاتے ہیں . یہ سچ ہے کہ ہم میں سے ہر انسان اپنے بہتر مستقبل کے حوالے سے کچھ خواب دیکھتا ہے . اچھی تعلیم ، اچھی ملازمت اور کاروبار زندگی کے حوالے سے تانے بانے بنتا ہے لیکن زندگی میں ہمیشہہ وہ سب نہیں ملتا جو انسان خواہش کرتا ہے . بؑض اوقات نتائج امیدوں کے بر عکس ہوتے ہیں ایسے میں صبر کا دامن ہاتھ سے نہ چھوڑیں . نہ حوصلہ ہاریں اور نہ دل شکستہ ہو کر بیٹھ جائیں . معمولی ناکامیوں کو غم و غصہ میں تبدیل نہ کر لیں . کامیابی اور ناکامی دونوں تقدیر کا حصہ ہیں لہذا مثبت سوچ کے ساتھ آگے بڑھیں . مثبت طرز زندگی اور انداز فکر اپنائیں . منفی خیالات اور جذبات کو اپنے دل سے نکال کر محنت اور لگن سے آگے بڑھنے کی تیاری کریں . اگر ہم میں سے ہر شخص مثبت انداز فکر اپنا لے تو ایک ایسا معاشرہ تشکیل پائے گا جو محنتی اور پر عزم افراد پر مشتمل ہو گا .
