مستعفی کوچ فرحت خان سلیکٹر بن گئے

لاہور:پاکستان ہاکی فیڈریشن نے ہیڈ کوچ کے عہدے سے مستعفی ہونے والے فرحت خان کو سلیکشن کمیٹی میں ذمہ داریاں سونپ دیں۔ذرائع کے مطابق تین رکنی قومی ہاکی سلیکشن کمیٹی میں حسن سردار چیف سلیکٹر جبکہ ایاز محمود اور مصدق حسین ارکان کے طور پر اپنا کام کر رہے ہیں تاہم اب فیڈریشن نے کمیٹی میں مزید 2 ارکان کا اضافہ کر دیا ہے۔ ایک دن ہلے ہیڈ کوچ کے عہدے سے استعفیٰ دینے والے فرحت خان اور قاسم خان کو سلیکشن کمیٹی میں شامل کر لیا گیا ہے۔ آسٹریلیا میں چار ملکی انٹرنیشنل ہاکی ٹورنامنٹ میں ہاکی ٹیم کی شرمناک شکست کے بعد فرحت خان پر ہیڈ کوچ کے عہدے سے استعفیٰ دینے کیلئے دباﺅ تھا۔