ہائی ٹینشن تار گرنے سے 2بچوں سمیت 3ہلاک

حاجی پور۔۔۔۔ بہار میں ویشالی ضلع کے سرائے تھانہ علاقے کے انور پور گاؤں میں ایک ہی خاندان کے 2بچوں سمیت 3افراد ہائی ٹینشن تار کی زد میں آکر ہلاک ہوگئے۔ پولیس ذرائع نے بتایا کہ ضلع کے انور پور گاؤں سے گزرنے والی ہائی ٹینشن لائن سے ایک تار ٹوٹ کر ایک جھونپڑی پر گرا جس سے وہاں آگ لگ گئی ۔مقامی لوگوں نے آگ پر قابو پانے کی کوشش کی تاہم 2بچوں سمیت 3افراد جھلس کر موت کے منہ میں چلے گئے۔ حادثے کے بعد موقع پر پہنچی پولیس نے واقعہ کی رپورٹ درج کرکے نعشوں کو پوسٹ مارٹم کیلئے بھیج دیا۔