ایئر انڈیا نے مقامی پروازوں میں خواتین کیلئےایک لائن ریزروکردی

نئی دہلی۔۔۔۔۔ایئر انڈیا نے 2018ء سے سبھی مقامی پروازوں میں خواتین کیلئے سیٹوں کی ایک مکمل لائن ریزرو کرنے کا اعلان کیا ہے۔ اس طرح کی خدمات فراہم کرنے والی یہ ملک کی پہلی ایئر لائنز کمپنی بن گئی ہے۔ کمپنی نے اپنے ٹویٹر پر تحریر کیا کہ یہ اُن خواتین کا احترام ہے جو ہمیں اس دنیا میں لائیں۔ خواتین کا ہم تہ دل سے احترام کرتے ہیں۔ایئر انڈیا اکانومی کلاس میں تمام خواتین کیلئے بغیر کسی اضافی فیس کے ایک پوری لائن ریزرو کررہا ہے اُن خواتین کیلئے جو اکیلے یا اپنے بچوں کے ہمراہ سفر کررہی ہیں۔