دشمن کبھی کامیاب نہیں ہوسکے گا، ایئر چیف مارشل

کراچی .... پاک فضائیہ کے سربراہ ایئرچیف مارشل سہیل امان نے کہا ہے کہ ملک دشمنوں کو خبردار کرتے ہیں وہ اپنے بزدلانہ اقدامات میں کبھی کامیاب نہیں ہوسکیں گے پاکستان اللہ کی مہربانی سے ترقی کی راہ پر ہرصورت گامزن رہیگا۔ پاکستان ایئرفورس بیس کورنگی کریک کراچی میں ایئرو اپرینٹسز کی پاسنگ آو¿ٹ پریڈ ہوئی۔تقریب کے مہمان خصوصی ایئرچیف مارشل سہیل امان تھے۔ اس موقع پر انہوں نے کہا کہ پاک فضائیہ بین الاقوامی فضائی معیار کے بہترین پیشہ ور ماہرین تیار کرنے کےلئے جدید تربیت فراہم کررہی ہے ۔ ہماری فوج جدید اور ملکی ساختہ ہتھیاروں کے نظام، رڈار اور اعلیٰ جنگی آلات سے لیس ہے۔