ماسکو۔۔۔ روس کے نائب وزیر خارجہ میخائل بوگڈانوف نے کہا ہے کہ رواں مہینے کے آخر میں سوچی میں متوقع شامی قومی ڈائیلاگ کانفرنس کے مدعوین کی فہرست تیار کر لی گئی ہے اور ہم ترکی کی طرف سے منظوری کے منتظر ہیں۔ ماسکو میں میڈیا کے ساتھ گفتگو میں انہوں نے کہا کہ ہمیں امید ہے کہ کل اور اس سے اگلے دن ہم اپنے ترک اور ایرانی پارٹنرز کے ساتھ مل کر مدعوین کی فہرست کو آخری شکل دینے اور شامی مہمانوں کے دعوت ناموں کی تقسیم شروع کر دیں گے۔میخائل بوگدانوف نے کہا کہ ہمیں توقع ہے کہ انقرہ مدعوین کی فہرست کے بارے میں جلد فیصلہ کر دے گا۔
