جمناسٹکس ٹیم کے سابق ڈاکٹر لیری نیسر نے 265 لڑکیوں کا استحصال کیا

  مشی گن:امریکی ریاست میشی گن کے ایک جج نے کہا ہے کہ امریکی اولمپکس میں جمناسٹکس کی ٹیم کے سابق ڈاکٹر لیری نیسر نے 265 لڑکیوں کا استحصال کیا۔پراسیکیوٹر کا کہنا ہے کہ رواں ہفتے کم سے کم 65 متاثرہ خواتین عدالت میں پیش ہو کر گواہی دیں گی۔ جمناسٹکس ڈاکٹر لیری نیسر کو گزشتہ ہفتے 160 خواتین کے بیانات کے بعد 40 سے 175 برس قید کی سزا سنائی گئی تھی۔لیری نیسر کا نشانہ بننے والوں میں اولمپکس گولڈ میڈل جیتنے والی ایلے رائزمین اور جارڈیئن وئیبر بھی شامل ہیں۔54 سالہ لیری نیسر کو بچوں کی فحش فلمیں بنانے کی وجہ سے پہلے ہی 60 سال تک قید کی سزا سنائی جا چکی ہے۔اس حالیہ سماعت میں عدالت انھیں ٹوئسٹرز جمناسٹکس کلب کے ایک کمرے میں مریضوں کا استحصال کرنے پر سنانے والی ہے۔ان کی جانب سے استحصال کا نشانہ بننے والوں میں سے ایک کی عمر 13 سال سے بھی کم تھی جبکہ2کی عمریں 15 یا 16 سال تھیں۔ گزشتہ روز عدالتی کارروائی کے دوران جج جینس کننگھم نے بتایا کہ ہمارے پاس جو اعداد و شمار ہیں ان میں استحصال کا نشانہ بننے والے 265 وہ ہیں جن کی شناخت ہو چکی ہے۔ اس کے علاوہ ریاست، ملک اور دنیا بھر میں لاتعداد افراد ہیں جو کا استحصال ہوا۔