اجے کی نئی فلم ' ریڈ'

معروف بالی وڈ ہیرو اجے دیوگن کی نئی فلم ' ریڈ' کا ٹریلر جاری کردیاگیاجس میں اجے دیوگن انکم ٹیکس آفیسر کے روپ میں سامنے آئے ہیں۔فلم کا ٹریلر اور پوسٹر دونوں ایک ہی روز جاری کئے گئے ہیں۔ ٹریلر میں اجے اثر و رسوخ رکھنے والے با اثر اور کرپٹ افراد کے گھر اور آفس میں چھاپے مارتے دکھائی دے رہے ہیں ۔ وہ سخت مزاج افسر کا کردار ادا کر رہے ہیں جو اپنی ٹیم کے ہمراہ چھاپے مارتا ہے ۔فلم کے پوسٹر میں اجے دیوگن ایک صندوق پر بیٹھے ہیں جس میں نوٹوں سے بھرے بورے،سونے کی اینٹیں، زیورات اور فائلوں کے درمیان اجے کا عکس نمایاں ہے۔مذکورہ فلم رواں برس مارچ میں نمائش کے لئے پیش کی جائے گی ۔