ملازمت کے بجائے کاروبار سعودی لڑکیوں کا نعرہ

دمام ... 5سعودی لڑکیوں نے بے روزگاری کے بھوت کو کاروبار شروع کرکے شکست دیدی۔ روان الیامی نے مشرقی ریجن میں الامیر سلطان فنڈ کی جانب سے پیش کئے جانے والے ہنر پروگرام میںحصہ لیکر کمپیوٹر شاپ قائم کرلی۔ اشراق الروقی، ھیا الغریب، موضی الحمیدی، انوار المومن نے اعلیٰ ڈگریوں کو خیر باد کہہ کر چھوٹے چھوٹے کاروبار شروع کرکے روزگار کا بندوبست کرلیا۔ انکا کہنا ہے کہ ملازمت سے انہیں وہ سب کچھ حاصل نہ ہوتا جو کاروبار کی بدولت انہیں مل رہا ہے جبکہ اپنا کاروبار شروع کرنے سے ان میں خود اعتمادی بھی پیدا ہوئی ہے۔