سام سنگ کمپنی نے گلیکسی جے 7 پرائم 2 اسمارٹ فون متعارف کرا دیا ہے۔ اسمارٹ فون میں 5.50 انچ ایچ ڈی ڈسپلے ، اینڈرائڈ نوگیٹ آپریٹنگ سسٹم ، اوکٹا کور ایکسینوس 7 سیریز پروسیسر ، 3 جی بی ریم کے ساتھ 32 جی بی سٹوریج دیا گیا ہے۔ اسٹوریج کو ایس ڈی کارڈ کی مدد سے 256 جی بی تک بڑھایا جا سکتا ہے۔ اسمارٹ فون کے کیمرہ سیٹ اپ میں 13 میگا پکسل کا فرنٹ اور بیک کیمرہ دیا گیا ہے۔ فون کی پشت پر فنگر پرنٹ سکینر کو بھی شامل کیا گیا ہے ۔ کنکٹیویٹی کیلئے اسمارٹ فون میں وائی فائی ، بلیوٹوتھ ، جی پی ایس ، ہیڈفون جیک ، تھری جی اور فور جی سپورٹ دی گئی ہے۔اسمارٹ فون کی بیٹری 3300 ملی ایمپئیر آورز کی ہے۔ اسمارٹ فون کی قیمت 13 ہزار 990 ہندوستانی روپے ہے اور اسے کالے رنگ میں پیش کیا گیا ہے۔
