کابل کی پہلی موبائل لائبریری

افغانستان کے دارالحکومت کابل میں اپنی نوعیت کی پہلی موبائل لائبریری سامنے آئی ہے۔ چار مغز نامی یہ موبائل لائبریری ایک نیلے رنگ کی بس میں بنائی گئی ہے جہاں جہاں یہ بس نما لائبریری جاتی ہے ،وہاں کے بچے اس سے بغیر کسی معاوضے کے اس میں رکھی کتابوں سے مستفید ہوتے ہیں۔ذرائع کے مطابق اس لائبریری سے روزانہ لگ بھگ 300 بچے مستفید ہوتے ہیں ۔وہ اپنی من پسند کتابوں کوپڑھنے کے لئے اس بس میں سوار ہوجاتے ہیں۔اس بس میں درسی کتابوں سے ہٹ کر مختلف موضوعات کی کتابیں دستیاب ہیں۔یہ لائبریری ایک طالبہ فرشتے کریم نے مرتب کی ہے۔