پاکستان کی سوڈان میں سعودی ہسپتال پر حملے کی شدید مذمت
پاکستان نے سوڈان کے شہر الفریش میں سعودی ہسپتال پر حملے کی شدید الفاظ میں مذمت کی ہے۔
ترجمان دفتر خارجہ کی جانب سے جاری بیان کے مطابق یہ حملہ جس میں مبینہ طور پر 70 افراد کی اموات ہوئیں، بین الاقوامی قانون کی واضح خلاف ورزی ہے۔ ترجمان نے کہا کہ پاکستان متاثرین اور ان کے اہل خانہ سے اپنی گہری ہمدردی کا اظہار کرتا ہے۔
انہوں نے کہا کہ یہ حملہ صحت کی دیکھ بھال کی سہولیات کے تقدس کو برقرار رکھنے اور بین الاقوامی انسانی قانون کے اصولوں پر عمل پیرا ہونے کی فوری ضرورت کی نشاندہی کرتا ہے۔ انہوں نے کہا کہ پاکستان سمجھتا ہے کہ تنازعات کو مذاکرات اور سفارت کاری کے ذریعے ہی حل کیا جاسکتا ہے۔
ترجمان نے کہا کہ ’ہم سوڈان کے اتحاد، خودمختاری اور علاقائی سالمیت کے لئے اپنی مکمل حمایت کا اظہار کرتے ہیں۔‘
سوڈان میں سعودی ہسپتال پر حملے کی مذمتNode ID: 884976
