نگراں وزیر اعظم جسٹس ناصر الملک کل حلف اٹھائیں گے

اسلام آباد...جسٹس(ر)ناصرالملک جمعہ کی صبح11 بجے نگران وزیراعظم کے عہدے کا حلف اٹھائیں گے۔صدر ممنوں حلف لیں گے ۔ تقریب میں شرکت کیلئے وزیراعظم شاہد خاقان عباسی،چیئرمین سینیٹ میر صادق سنجرانی اور ڈپٹی چیئرمن سینیٹ سلیم مانڈوی والا کو دعوت نامے بھیج دئیے گئے۔ عسکری قیادت ،اعلیٰ شخصیات اور غیر ملکی سفیر بھی شرکت کریں گے۔تمام تیاریاں مکمل کرلی گئیں۔ واضح رہے کہ وفاقی کابینہ اور قومی اسمبلی جمعرات کی رات مدت مکمل ہونے کے بعد تحلیل ہوجائے گی۔ وزیر اعظم شاہد خاقان عباسی بھی وزیراعظم ہاوس چھوڑ دیں گے۔ انہیں الوداعی گارڈ آف آنر پیش کیا جائے گا۔

مزید پڑھیں:جسٹس ناصر الملک نگراں وزیر اعظم مقرر