فالسہ جگر کی گرمی دور کرنے کے لیے مفید پھل
فالسہ لذت کے ساتھ ساتھ بے پناہ فوائد کا حامل پھل ہے . یہ امراض قلب ، جگر کے امراض اور ذیا بیطس سے بچاؤ میں مدد گار ثابت ہوتا ہے . گرمی کی شدت میں اور خاص طور پر رمضان میں اسکا استعمال بے پناہ فوائد کا حامل ہے . یہ پیاس کی شدت میں کمی لانے کی صلاحیت رکھتا ہے . گرمی کے موسم میں فالسہ ایک بہت بڑی قدرتی نعمت ہے . یہ 81 فی صد پانی پر مشتمل ہوتا ہے . پانی کے علاوہ اس میں پروٹین ، چکنائی ، ریشے اور نشاستہ پایا جاتا ہے . جگر کی گرمی اور کمزوری دور کرنے کے لیے آپ فالسے کی مدد سے ایک بہترین نسخہ تیار کر سکتے ہیں . فالسے کو جلا کر اسکا پاؤڈر بنا لیں یہ نمک کی طرح بن جائے گا . روزانہ ایک چٹکی ایک چمچ شہد میں ملا کر استعمال کرنے سے جگر کی گرمی دور کرنے میں مدد ملے گی . یہ معدے اور سینے کی جلن دور کرنے کے لیے بھی مفید ہے .
