لینوو کمپنی کی جانب سے چین میں منعقد تقریب میں زیڈ 5 اسمارٹ فون متعارف کرا دیا گیا ہے۔ اسمارٹ فون میں 6.2 انچ ڈسپلے ، اسنیپ ڈریگن 636 پروسیسر اور اینڈرائیڈ اوریو آپریٹنگ سسٹم دیا گیا ہے۔فون کو 6 جی بی ریم کے ساتھ 64 جی بی اور 128 جی بی اسٹوریج کے آپشنز میں پیش کیا گیا ہے۔ فون کے کیمرہ سیٹ اپ میں آرٹیفیشل انٹیلیجنس ٹیکنالوجی کے ساتھ 16 میگا پکسل اور 8 میگاپکسل کے دو بیک کیمرہ دیے گئے ہیں ۔ اسمارٹ فون کا فرنٹ کیمرہ 8 میگا پکسل کا ہے۔ فون کی بیٹری 3300 ملی ایمپئر آورز کی ہے اور اس میں فاسٹ چارجنگ سپورٹ بھی دی گئی ہے۔ اسمارٹ فون کو کالے ، نیلے اور ارورا رنگ میں پیش کیا گیا ہے۔ 64 جی بی اسٹوریج کے ساتھ فون کی قیمت 1299 یان اور 128 جی بی اسٹوریج کے ساتھ فون کی قیمت 1799 یان ہوگی اور اسے 12 جون سے فروخت کے لیے پیش کیا جائے گا۔
