جسٹس دوست محمد کی تعیناتی پر بھی اعتراض

  اسلام آباد... نگراں وزیر اعلی کے پی کے جسٹس (ر) دوست محمد کی تعیناتی بھی سوالیہ نشان بن گئی ۔ جسٹس دوست محمد کی تعیناتی کے بعد ان کی اہلیت پر بھی سوال اٹھنے شروع ہوگئے ۔ جسٹس دوست محمد نے آئین کی خلاف ورزی کرتے ہوئے کے پی کے وزیراعلیٰ کا حلف اٹھایا۔ آئین میں درج ہے کہ کوئی بھی جج اپنے عہدہ سے ریٹائرمنٹ کے2 سال تک کسی سرکاری اور منافع بخش عہدہ حاصل نہیں کر سکتا۔ جسٹس دوست محمد کو سپریم کورٹ سے ریٹائرمنٹ صرف 2 ماہ ہوئے ہیں۔2سال کا عرصہ پورے ہونے سے قبل دوست محمد نے وزیراعلیٰ کے پی کے کے عہدے کا حلف لیا جو غیر آئینی اقدام ہے ۔ اس غیر آئینی اقدام پر ان کے خلاف کارروائی بھی ہوسکتی ہے ۔ آئینی ماہر نیاز احمد نیازی نے کہا کہ جسٹس دوست محمد کے علاوہ چیف الیکشن کمشنر جسٹس (ر) رضا خان کی اہلیت پر بھی سوالات اٹھ چکے ہیں۔دوست محمد کی تعیناتی سے ثابت ہوا ہے کہ یہ دونوں جج آئین سے بالکل نابلد ہیں۔ 

مزید پڑھیں:حسن عسکری کی تعیناتی چیلنج کریں گے،ن لیگ