صبا قمرمستقبل کی سپراسٹار ہے ،مائرہ خان

  نیو یارک .. اداکارہ ماہرہ خان نے صبا قمر کومستقبل کی سپراسٹار قرار دیدیا۔ امریکا میں پہلے پاکستانی فلم فیسٹیول میں فلم ” لاہور سے آگے“ دیکھنے کے بعد ٹوئٹرپیغام میں صبا قمر کی اداکاری کی تعریف کرتے ہوئے کہا وہ آنے والے وقت کی سپراسٹار ہیں۔ فلم میں صبا قمر نے لاجواب اداکاری سے میرا دل جیت لیا ۔ ماہرہ خان نے کہا کہ ایک دوسرے کے اچھے کام کی حوصلہ افزائی کرنی چاہیے۔ واضح رہے کہ امریکی ریاست نیویارک میں پاکستانی فلموں پرمشتمل فلمی میلہ جاری ہے۔ اقوام متحدہ کے ہیڈکوارٹرز میں شاندار ریڈ کارپٹ تقریب ہوئی جس میں ماہرہ خان، ماورا حسین، نبیل قریشی، صبا قمر اور دیگر نے شرکت کی۔ خصوصی مہمان اقوام متحدہ کے ڈپٹی سیکریٹری جنرل جان ایلیاسن نے کہا کہ اس طرح کے ایونٹس امن کے فروغ کا بہتر ذریعہ ہیں۔ انہوں نے پاکستانی فنکاروں سے کہا کہ وہ پاکستان کو فتح کرچکے اب نیویارک کو بھی فتح کرلیں گے۔ اقوام متحدہ کی پاکستانی سفیر ملیحہ لودھی نے کہاکہ فلموں کے ذر یعے پاکستان کے مثبت امیج کو پیش کیا جائے گا۔