”پنکی کی سالگرہ‘ ‘بینظیر بھٹو کے یوم ولادت پر تقریبات

کراچی: پاکستان کے سابق وزیر اعظم ذوالفقار علی بھٹو کی بیٹی اور پیپلز پارٹی کی شہید چیئرپرسن و سابق وزیر اعظم بے نظیر بھٹو کی آج 65 ویں سالگرہ منائی جا رہی ہے۔ ذرئع کے مطابق آج (21 جون) کو ہر کی طرح بے نظیر بھٹو کی سالگرہ منائی جائے گی۔ اس موقع پر پاکستان کے تمام شہروں سمیت امریکہ ،یورپ اور خلیجی ممالک میں تقریب کا انعقاد کیا جائے گا۔ پیپلز پارٹی ذرائع کے مطابق اسلام آباد میںمرکزی تقریب پارٹی کے دفتر میں ہوگی جبکہ پارٹی چیئرمین بلاول بھٹو زرداری، صاحبزادیاں بختاور بھٹو زرداری اور آصفہ بھٹو زرداری نوڈیرو میں اپنی والدہ کا یوم ولادت منائیں گی۔ ذرائع نے مزید بتایا کہ سابق صدر آصف علی زرداری کراچی میں بے نظیر کی سالگرہ کا کیک کاٹیں گے۔ سابق وزیر اعظم کے شوہر آصف زرداری نے اپنے پیغام میں کہا کہ پیپلز پارٹی خواتین کے حقوق کے لیے جدوجہد جاری رکھے گی۔