علی ظفر 28کروڑ کے اثاثوں کے مالک

اسلام آباد..نگران وزیراعظم اور وزرائے اعلیٰ کے بعد وفاقی وزراءکے اثاثوں کی تفصیلات بھی سامنے آ گئیں ۔ نگران وزیر قانون سید علی ظفر 28کروڑ کے اثاثوں کے مالک نکلے ۔ ان کا بینک بیلنس 11 کروڑ 15 لاکھ 34ہزار 679 روپے ہے ۔ وہ ایک کروڑ 95 لاکھ 49 ہزار 499 روپے مالیت کی گاڑیوں کے بھی مالک ہیں۔ علی ظفر کے پاس دبئی میں 3 اپارٹمنٹ، لندن ڈبلیو ٹو میں گھر اور برمنگھم میں بھی گھر ہے ۔ وہ پراپرٹی مورگیج کے نام پر 3 کروڑ 10 لاکھ 26 ہزار 250 روپے کے مقروض ہیں ۔ اس کے علاوہ علی ظفر کی اہلیہ ایک کروڑ 59 لاکھ 60 ہزار سے اثاثوں کی مالک ہیں۔ ان کے پاس 150 تولے سونا بھی ہے۔نگران وزیر خزانہ ڈاکٹر شمشاد اختر 4 کروڑ 4 لاکھ 4 ہزار 746 روپے کی مالک ہیں ۔ ان کے نام اسلام آباد میں 3 اور کراچی میں ایک گھر ہے ۔ جائیداد کی کل مالیت 28 لاکھ سے زائد ظاہر کی گئی ہے۔نگران وفاقی وزیرخزانہ کے پاس 2 کروڑ 77 لاکھ کے سیونگ سرٹیفیکٹس ہیں ۔ ان کی پی ایس او اور ایک نجی بینک میں 22 لاکھ سے زائد کی سرمایہ کاری ہے ۔ ان کے بینک اکاونٹس میں 72 لاکھ اور سونے کی مالیت 2 لاکھ روپے ہے۔نگران وزیر داخلہ اعظم خان ایک کروڑ 45 لاکھ 29 ہزار سے زائد اثاثوں کے مالک ہیں ۔ ان کے پشاور میں ایک گھر اور دو پلاٹ کی مالیت 65 لاکھ روپے ظاہر کی گئی ہے ۔ وہ چارسدہ شوگرمل، پریمیئر شوگرمل مردان اور پریمیئر بورڈ مل مردان میں حصہ دار ہیں۔اعظم خان کی اہلیہ پروین اعظم کے نام ایک کنال رہائشی پلاٹ ہے جس کی مالیت 30 لاکھ روپے ہے ۔ ساڑھے 6 لاکھ مالیت کا سونا بھی اعظم خان کی اہلیہ کی ملکیت میں شامل ہے ۔ اعظم خان اور ان کی اہلیہ کے بینک اکاونٹس میں کل رقم 43 لاکھ روپے موجود ہے۔نگران وزیرتعلیم محمد یوسف شیخ 2 کروڑ 34 لاکھ 69 ہزار 701 روپے اثاثوں کے مالک ہیں ۔ ان کا بینک بیلنس 51 لاکھ 37 ہزار 801 روپے ہے ۔ یوسف شیخ کا کراچی میں ایک گھر اور دادو میں بھی پلاٹ ہے۔یوسف شیخ لاڑکانہ اور ٹھٹھہ میں زرعی زمین کے مالک ہیں ۔ ان کی جائیداد کی کل مالیت ایک کروڑ 83 لاکھ سے زائد ہے۔

مزید پڑھیں:اثاثوں کی تفصیلات جمع نہ کرنے والے وزراءکے نام جاری