حیدرآباد: عدالت کی جانب سے بم دھماکوں کے2ملزمان پر فردجرم عائد

    حیدرآباد-  - - -چرلہ پلی جیل میں قائم این آئی اے عدالت کے جج نے شہر حیدرآباد میں 2بم دھماکوں کے معاملہ کا   حتمی فیصلہ سناتے ہوئے اکبر اسماعیل چوہدری اور انیق شفیق سیدپر فردجرم عائد کردی جبکہ  عدالت نے  پونے سے تعلق رکھنے  والے انصار  احمد بادشاہ شیخ اورمحمد صادق اسرار کو  بری  قراردیا۔حیدرآباد  میں  ہونیوالے یکے بعد دیگرے بم ھماکوں کے سلسلہ میں4افراد کے خلا ف اگست 2013ء  میں میٹرو پولیٹن سیشن جج کی عدالت نے 4 ملزم قراردیاتھا، 2 ملزمان کی سزا کا اعلان اس ماہ کی 10تاریخ کو کیاجائے گا۔ یہ دھماکے 11سال قبل شہر حیدرآباد کے گوکل چاٹ  بھنڈار اور لمبنی پارک میں وقفے وقفے سے کیا گیا تھا ۔   ان دھماکوں میں 42افراد ہلاک  اور 50زخمی ہوئے تھے۔ 7اگست کو  بحث اور جوابی بحث مکمل ہونے کے بعد جج سرینواس  راؤنے 27اگست کو  اس معاملہ کا فیصلہ مقرر کیا تھا تاہم عدالت نے اس فیصلہ کو  موخرکرتے ہوئے 4ستمبر کو  فیصلہ سنایا۔اس  موقع پر جیل کے قریب اور شہر کے حساس علاقوں میں سیکیورٹی سخت کردی گئی تھی۔

مزید پڑھیں:- - - -’’دلت ‘‘کی بجائے شیڈول کاسٹ لکھیں ،نیو ز چینلزکوحکومت کا مشورہ