طائف میں کلاسک کاروں کا میلہ، شہریوں کی بھرپور شرکت

طائف میں اِن دنوں کلاسک کاروں کا میلہ لگا ہوا ہے جسے دیکھنے کے لیے علاقے کے لوگوں کے علاوہ سیاحوں کی بڑی تعداد پہنچ رہی ہے۔

الاخباریہ چینل نے اس حوالے سے تفصیلی ویڈیو خبر جاری کی ہے جس میں بتایا گیا ہے کہ لوگوں کی بڑی تعداد ان کلاسک کاروں کو دیکھ بھی رہی ہے اور قریب کھڑے ہوکر تصاویر اور سیلفیاں بھی بنا رہی ہے۔

 ایک شہری زیاد الحارثی کا کہنا تھا کہ یہ کلاسک کاریں ماضی میں لے جاتی ہیں جب یہ خوبصورت اور شاندار گاڑیاں اس دور کے لوگوں کے زیر استعمال تھیں۔

یہاں آئے ایک اور شخص کا کہنا تھا کہ کلاسک کاریں سب بہترین حالت میں ہیں اور لگتا ہے انہیں بے حد سنبھال کر رکھا گیا ہے۔

طائف کلاسک کار میلے میں  بڑوں کے علاوہ بچوں کی بڑی تعداد بھی آ رہی ہے جو ان گاڑیوں میں بیٹھ کر تصاویر بنوا کر خوش ہو رہی ہے۔

طائف کار میلے میں ماضی کی تمام چھوٹی بڑی، عام اور لگژری گاڑیوں کے علاوہ چھوٹے اور بڑے ٹرک بھی موجود ہیں۔