ملک چندے سے نہیں چلتے،مشاہد اللہ
اسلام آباد... مسلم لیگ ن کے رہنما اور سابق وزیر مشاہد اللہ خان نے کہا کہ ملک چندے سے نہیں چلتے ۔ حکومت کو کما کر دکھانا ہو گا ۔ چندہ مانگنے کی بجائے برآمدات اور زرمبادلہ کے ذخائر بڑھانے ہوں گے۔ یہ کوئی طریقہ نہیں کہ مانگ تانگ کرگزارا کریں ا ور خود کچھ نہ کیا جائے۔ عمران خان کے و یڈیو پیغام پر رد عمل میں انہوں نے کہا کہ اس طرح سے مسائل حل نہیں ہوتے ۔ پوری دنیا میں موسمیاتی تبدیلی کا مسئلہ ہے۔ ڈ یم بنانے کے لئے بہت زیادہ رقم کی ضرورت ہے۔ ملک کو بھکاری نہ بنایا جائے۔تحریک انصاف نے بہت بڑے بڑے دعوے کئے تھے ان کا کیا ہوا۔
