بہت صبر اور برداشت کرلیا،سعد رفیق

  لاہور ...مسلم  لیگ (ن) کے مرکزی رہنما  خواجہ سعد رفیق نے کہاکہ شہباز شریف کی گرفتاری بزدل حکمرانوں کی ہار ہے ۔بزدل ہمیشہ پیچھے سے وار کرتا ہے لیکن شیر سامنے سے وار کرتا ہے۔ بہت صبر اور برداشت کرلیا ۔عمران خان تمہاری کوئی حسرت ادھوری نہ رہے جائے ہر شوق پورا کر لو جب عمران خان گرے گا تو کوئی اٹھانے بھی نہیں آئے گا۔اگر عمران خان دانشمند ہوتا تو اپنے وعدے پورے کرتا سیاسی انتقام پر نہ اترتا۔کیا پاکستان میں تبدیلی لوٹوں سے آئے ۔مسلم لیگ (ن) اس مرتبہ ڈٹ کر اپنے مینڈیٹ پر پہرہ دے گی۔  انتخابی مہم کے دوران کارکنان سے گفتگوکرتے ہوئے انہوں نے کہاکہ شہباز شریف پر بے ضابطگیوں کے الزمات بے بنیاد ہیں۔ شہباز شریف نے ہر چیز کی پروا کئے بغیر پنجاب کے عوام کی خدمت کی ۔ آج ترکی اور چین جیسے ممالک میں شہباز شریف کی خدمات کو سراہا جاتا ہے۔ چین نے شہبا ز شریف کی کارکر دگی کو دیکھتے ہو ئے پنجاب کی ترقی کو پنجاب سپیڈو کی ٹرم سے نوازا ۔ اس قوم سے زیاتی کر نے والا نہ کبھی بچا ہے اور نہ بچے گا ۔نئے پاکستان کا جھانسہ دے کر عمران نے عوام کو گمراہ کیا۔سعد رفیق نے مزید کہا کہ ہمیں جیلوں میں ڈالنے کا شوق ہے تو ڈالو ۔نواز شریف، شہباز شریف اور مریم نواز کو جیلوں میں ڈال دیا لیکن ثبوت کوئی نہیں ۔