مکہ مکرمہ ۔۔۔63فیصد سعودی شہری سرکاری اداروں اور 28فیصد نجی اداروں میں ملازمت کو ترجیح دے رہے ہیں ۔ یہ بات امریکی کمپنی ’’گلوب‘‘ نے تازہ ترین جائزے کے بعد بتائی ہے ۔ مکہ اخبار نے اس کی تفصیلات دیتے ہوئے واضح کیا کہ امریکی رپورٹ ’’انٹرنیشنل لیبر مارکیٹ‘‘کے عنوان سے تیار کی گئی ۔ اس میں دنیا بھر میں افرادی قوت کے استعمال سے متعلق اعداد و شمار دئیے گئے ہیں ۔ 155ممالک کی لیبر مارکیٹس اور ان کے حالات کا احاطہ کیا گیا ہے ۔ رپورٹ میں بتایا گیا ہے کہ سرکاری اور نجی اداروں میں ہر طرح کی ملازمتوں کو خیر باد کہنے والے کارکنان کی تعداد میں غیر معمولی اضافہ ہوا ہے ۔
