ایم ایم اے کراچی میں ملین مارچ کریگی

  کراچی ...متحدہ مجلس عمل نے 8 نومبر کو کراچی میں ملین مارچ کا اعلان کردیا۔ایم ایم اے کے سربراہ مولانا فضل الرحمٰن نے ایک بیان میں کہا کہ عالمی ایجنڈے کے تحت موجودہ حکومت کو اقتدار میں لایا گیا ۔عالمی سازش یہ ہے کہ عالم اسلام کو مسلکی تنازعات کا شکار کیا جائے۔انہوں نے کہا کہ احتجاج کرنے والے قابل تعریف ہیں ،تمام مسالک ختم بنوت کیلئے متحد ہیں۔انہوں نے کہا کہ ملین مارچ میں آئندہ کی حکمت عملی طے کی جائے گی۔ جے یو آئی ف نے جمعہ کو پشاور میں مولانا فضل الرحمٰن کی قیادت میں احتجاجی مظاہرے کا بھی اعلان کیا ہے۔