جدہ میں صبح سویرے موسلا دھار بارش

جدہ ۔۔۔۔ جدہ میں بدھ کو فجر بعد گرج چمک اور تیز ہواﺅں کےساتھ موسلا دھار بارش نے اسکول آنے جانے والوں کو مشکل میں ڈال دیا۔ بعض اسکولوں نے تاخیر سے ایس ایم ایس ارسال کئے۔ اسکول بسیں بہت سارے بچوں اور بچیوں کو لیکر اسکول پہنچا چکی تھیں۔ دیگر راستے میں تھیں جبکہ اپنے طور پر بچوں کو اسکول پہنچانے والوں کو تعطیل کا علم اس وقت ہوا جب وہ اسکول کے گیٹ یا اس کے قریب پہنچ چکے تھے۔ سڑکوں پر پانی کھڑا ہوجانے اور مسلسل موسلا دھار بارش کے باعث وائپر کے غیر موثر ہوجانے کی وجہ سے نقل و حرکت میں غیر معمولی دشواری پیش آئی۔ بعض مقامات پر گاڑیاں پانی میں پھنس کر بند ہوگئیں۔