افغان فوجی ہیلی کاپٹر کی ہنگامی لینڈنگ

کابل... افغانستان میں ایک فوجی ہیلی کاپٹر نے ہنگامی لینڈنگ کی ہے ۔ 5سیکیورٹی اہلکار زخمی ہو گئے ۔ حکومتی ترجمان نے بتایا کہ فوجی ہیلی کاپٹر نے قندھار ایئرپورٹ کے باہر اس وقت ہنگامی لینڈنگ کی جب پرواز کے کچھ دیر بعد اس میں فنی خرابی ہو گئی ۔ہیلی کاپٹر میں سوار 5 اہلکار زخمی ہو گئے ۔زخمیوں کو فوری طور پر طبی امداد کے لئے منتقل کر دیا گیا ۔ حکام نے کسی بھی تخریبی کارروائی کو مسترد کرتے ہوئے کہا ہے کہ ہیلی کاپٹر میں فنی خرابی ہو گئی تھی ۔