پاکستان کا معاشی مستقبل مستحکم ہے،موڈیز

کراچی... معیشتوں کی درجہ بندی کرنے والے ادارے موڈیز نے تبصرہ کیا ہے کہ پاکستان کا معاشی مستقبل طویل عرصے میں مضبوط ہے۔ آئندہ دو سالوں میں معاشی نمو 4.3 اور 4.7 فیصد رہے گی ۔موڈیز کے مطابق سی پیکمنصوبے معاشی ترقی کا حصہ بن رہے ہیں۔خصوصاً امن، بہتر پاور سپلائی اور ترقیاتی منصوبوں نے ترقی کے مواقع بڑھائے ہیں۔ جس سے لمبے عرصے میں رکاوٹیں دور اور ترقی کی صلاحیت بہتر ہوگی۔موڈیز کے مطابق پاکستان میں کاروباری اعتماد بڑھ رہا ہے۔ نئی حکومت کی جانب سے اداروں میں اصلاحات سے مزید بہتری آئے گی۔ ریفارم پروگرام سنبھالنا کسی بھی حکومت کے لئے مشکل کام ہے۔افسر شاہی کی کثرت، پیچیدہ سیاست اور انتظامی امور ریفارمز پروگرام کو مشکل بنا دیتے ہیں۔موڈیز نے کہا کہ اسٹیٹ بینک کی خودمختاری اچھے درجے تک بحال ہے۔موڈیز کے مطابق پاکستان کے بیرونی قرضوں کی ادائیگی معمولی ہے۔ اس کے اندرونی اور بیرونی چیلنجز اس کی قرض گیری ساکھ کا سبب ہیں۔