لاہور: سابق وزیر اعلیٰ پنجاب شہباز شریف کے خلاف آشیانہ اقبال کیس کی تحقیقات مکمل کرلی گئیں جس کے بعد نیب نے ریفرنس منظوری کے لیے چیئرمین قومی احتساب بیورو کے پاس بھجوا دیا ہے۔ ذرائع کے مطابق نیب لاہور نے شہباز شریف کے خلاف ریفرنس کی تحقیقات مکمل کرنے کے بعد چیئرمین کے پاس منظوری کے لیے بھجوا دیا ہے۔ واضح رہے کہ ریفرنس میں اختیارات کے ناجائز استعمال اور مالی فوائد حاصل کرنے کے الزامات شامل ہیں۔ نجی ٹی وی کے مطابق ذرائع کا کہنا ہے کہ رواں ہفتے ہی شہباز شریف کے خلاف ریفرنس کی منظوری ملنے کے بعد احتساب عدالت میں دائر کیے جانے کا امکان ہے جبکہ شہبازشریف کے خلاف دائر کیے جانے والا ابتدائی ریفرنس 100 سے زائد صفحات پر مشتمل ہوگا۔ واضح رہے کہ شہباز شریف کو آشیانہ اقبال ہاﺅسنگ اسکیم اور صاف پانی کیس سمیت مختلف منصوبوں میں کرپشن کے الزامات کے تحت نیب نے گرفتار کیا تھ۔ علاوہ ازیں ان کے ساتھ دیگر ملزمان میں احد چیمہ، شاہد شفیق، امتیاز حیدر ، بلال قدوائی، اسرار سعید اور عارف بٹ شامل ہیں۔
