ریاض۔۔۔ شہزادہ طلال بن عبدالعزیز 87برس کی عمر میں انتقال کر گئے ۔وہ 1931 کو پیدا ہوئے ۔شاہ عبدالعزیز بن عبدالرحمان آل سعود کے 18ویں بیٹے تھے ۔ انہوں نے متعدد حکومتی اداروں کی سربراہی کی ۔ 1372 ہجری میں وہ مملکت کے پہلے وزیر ٹرانسپورٹ مقرر ہوئے اور 1374ہجری تک خدمات انجام دیں ۔ جس کے بعد انہیں ڈپٹی وزیر خزانہ کی ذمہ د اریاں سونپی گئیں اور 1380 ھ میں وزیر خزانہ متعین ہوئے۔ 1381ھ میں انہوں نے وزارت چھوڑدی اور انہیں فرانس میں سعودی عرب کے سفیر کے طور پر متعین کیا گیا ۔ شہزادہ طلال بن عبدالعزیز علم دوست شخصیت کے حامل تھے انہوں نے متعدد تعلیمی اور فلاحی منصوبے شروع کئے اور انکی سرپرستی کرتے رہے ۔ شہزادہ طلال ایک ہمدرد دل رکھنے والی شخصیت بھی تھے اسی لئے انہوں نے ” بینک الفقراء“ (غریبوں کا بینک) اور متعدد فلاحی ادارے قائم کئے جن میں مخصوص بچوں کی فلاح و بہبود سے متعلق ادارے بھی ہیں ۔
