مسجد نبوی میں چار دہائیوں تک اذان اور اقامت کے مناظر کی کوریج کا اعزاز

مسجد نبوی میں گزشتہ 4 دہائیوں تک اذان اور اقامت کے مناظر ٹی وی پرمنتقل کرنے کے دوران انگلش میں احادیث کا ترجمہ بیان کرنے والے ڈاکٹر متوکل مھلھل کا کہنا ہے’ اس وقت کے وزیر اطلاعات شیخ علی الشاعر نے مجھے مسجد نبوی کی اذان اور اقامت کے درمیان کوریج کرنے کی درخواست کی۔

العربیہ نیوز سے گفتگو کرتے ہوئے ڈاکٹر مھلھل نے ماضی کے واقعات بیان کرتے ہوئے بتایا ’یہ ان دنوں کی بات ہے جب کنگ عبدالعزیز یونیورسٹی میں ماسٹر کرنے کے بعد پی ایچ ڈی کی تیاری کررہا تھا، اس وقت مجھے وزیر اطلاعات کا پیغام موصول ہوا انہوں نے مجھے ملاقات کا وقت دیا۔

ڈاکٹر متوکل کا کہنا تھا  شیخ علی الشاعر نے مجھے کہا مسجد نبوی میں اذان اور اقامت کے مناظر سعودی ٹی وی چینل ون منتقل کرنے کے دوران کی جانے والی کوریج کروں جو اس وقت ایک غیرملکی کی ذمہ داری تھی۔

چینل ون پر مسجد نبوی سے نمازوں کی براہ راست منتقلی کے لیے بیان ( احادیث و دینی واقعات کا ذکر) کا آغاز کیا۔

بعدازاں جب چینل ٹو ( انگلش میں) کا آغاز ہوا تو اس کی ذمہ داری بھی مجھے سونپ دی گئی۔ اس وقت صرف مغرب اور جمعہ کی نماز کے مناظر کی کوریج میرے ذمہ تھی۔