ریاض۔۔۔ ریاض پولیس کے ترجمان شاکر التویجری نے بتایا کہ الرین بیشہ روڈ پر گاڑیوں پر سنگ باری کرنے والے 30سالہ شہری کو گرفتار کرلیا گیا۔ تفصیلات کے مطابق سوشل میڈیا پر گردش کرنے والی اس وڈیو کلپ نے ہنگامہ برپا کردیا تھا جس میں دیکھا جارہا ہے کہ ایک 30سالہ شخص الرین بیشہ روڈ سے گزرنے والی گاڑیوں کے شیشوں پر سنگ باری کرکے راہگیروں کی زندگی کو خطرات لاحق کررہا ہے۔ پولیس نے وڈیو کلپ کا نوٹس لیتے ہوئے واردات کرنے والے کو گرفتار کرلیا۔ ریاض پولیس نے خبردار کیا کہ کسی بھی شخص کو مقامی شہریوں اور مقیم غیر ملکیوں کی سلامتی سے کھیلنے کی اجازت نہیں دی جائیگی۔
