اتحادیوں سے اتنا برا سلوک..

لاہور ...مسلم لیگ (ق) کے مرکزی سیکرٹری اطلاعات سینیٹر کامل علی آغا نے کہا ہے کہ پی ٹی آئی سے اتحاد وسیع تر ملکی مفاد میں ہے ۔پہلے بھی کولیشن میں رہے لیکن اتحادیوں سے اتنا برا سلوک دیکھنے میں نہیں آیا ۔ میڈیا سے غیر رسمی گفتگو کرتے ہوئے انہوں نے کہا کہ مسلم لیگ ق کے ارکان اسمبلی کو اپنے انتخابی حلقوں کے کام میں مختلف رکاوٹوں کا سامنا ہے ۔ہماری جماعت اور قیادت نے حکمرانی اتحاد میں شامل ہونے کے باعث نیک نیتی سے مکمل تعاون کیا ۔ بعض ایسے امور جو ان کی سوچ میں بھی نہیں تھے۔ ان سے نہ صرف قبل از وقت آگاہ کیا بلکہ ان سے احسن طور پر نکلنے میں مکمل ساتھ دیا ۔ اس کے باوجود ہمارے ساتھ افسوسناک رویہ روا رکھا گیا۔ پچھلے2ماہ میں بار بار توجہ دلانے اور بتانے کے باوجود بے حسی کے باعث معامالات سیدھے اور بہتر ہونے کے برعکس تحفظات میں اضافہ سے معاملات مزیدپیچیدہ اور خراب ہوتے چلے گئے۔ یہاں تک کہ ہمارے نہایت فعال اوربہترین شہرت کے حامل صوبائی وزیر کو صورتحال سے تنگ اور ما یوس ہو کر پارٹی قیادت کو ا ستعفی پیش کرنا پڑا ۔