60فیصد سعودی مکانات کے مالک

ریاض۔۔۔مملکت بھر میں.49 60فیصد سعودی شہری مکانات کے مالک بن گئے۔کرائے کے مکانات میں رہنے والوں کی شرح 37.63فیصد ہوگئی۔یہ اعداد و شمار 2018ءکے ہیں ۔سب سے زیادہ مکانات کے مالک جازان کے شہری ہیں جہاں اپنے مکان میں رہنے والوں کی شرح.15 81فیصد ہو گئی ۔الوطن نے محکمہ شماریات کے اعداد و شمار کے حوالے سے بتایا کہ جازان میں کرائے کے مکانات میں رہنے والوں کا تناسب 18.49فیصد تک آگیا ۔ جہاں تک 0.36فیصد کا تعلق ہے تو انہیں آجروں نے مکانات فراہم کر رکھے ہیں ۔ مکہ ریجن میں بھی مکان مالکان کی تعداد میں اضافہ ہوا ہے ۔ 2018ءکے وسط میں ان کی تعداد 531487ہو گئی جبکہ 2017ءمیں ان کی تعداد511285تھی ۔ اضافہ 3.9فیصد ہوا ۔الشرقیہ میں مکان مالکان کی تعداد میں 3.7فیصد اضافہ ہوا ۔ ریاض ریجن میں 2.8 فیصد کا اضافہ ریکارڈ کیا گیا۔نجران میں مکان مالکان کا تناسب 69.03فیصد ، عسیر ریجن میں 66.84فیصد باحہ میں 75.41فیصد اور مدینہ منورہ میں 61.77فیصد ہو گیا ہے۔