کورونا کے 3733 نئے مریض، 38 ہلاکتیں

سعودی عرب میں مزید تین ہزار 733 افراد میں کورونا وائرس کی تصدیق ہوئی ہے جبکہ گزشتہ 24 گھنٹے کے دوران اس مہلک وائرس سے 38 مریض ہلاک ہوئے ہیں۔

سعودی عرب میں کورونا سے ہونے والی مجموعی ہلاکتوں کی تعداد 857 ہو گئی ہے۔

وزارت صحت کی جانب سے جاری کردہ اعداد وشمار کے مطابق اب تک کورونا کے مجموعی مریضوں کی تعداد ایک لاکھ 16 ہزار 21 تک پہنچ چکی ہے۔

گزشتہ 24 گھنٹے کے دوران مختلف شہروں میں زیر علاج مریضوں میں سے 2 ہزار65 صحت یاب ہوئے ہیں جس کے بعد اب تک مجموعی طور پر اس مرض سے شفایاب ہونے والوں کی تعداد 80 ہزار 19 ہو گئی ہے۔

سعودی وزارت صحت کی جانب سے جاری کردہ اعداد وشمار کے مطابق جمعرات گیارہ جون کو بھی کورونا کے سب سے زیادہ کیسز ریاض میں سامنے آئے۔ ریاض میں مریضوں کی تعداد ایک ہزار 431 تھی۔

جمعرات کو جدہ میں 294، مکہ مکرمہ 293، دمام 214، الھفوف 206 اور الخبر میں 100، بریدہ  78، طائف 77، مدینہ منورہ 74، المبرز 52، قطیف52، ظہران50، حفر الباطن 47، تبوک45، الدرعیہ 40، الخرج 34، خمیس مشیط 32، وادی الدواسر میں 31 مریض ریکارڈ پر آئے ہیں۔

وزارت صحت کا کہنا ہے کہ کورونا سے بچاؤ کے لیے سماجی فاصلے کے اصول پرسختی سے عمل لازمی کیا جانا چاہیے تاکہ محفوظ رہا جاسکے۔

گھروں سے باہر جاتے وقت ماسک اور سینیٹائزر کا استعمال لازمی کریں۔ ہر دو گھنٹے بعد صابن کے ساتھ ہاتھوں کو کم از کم 20 سیکنڈ تک دھوئیں۔