چور گاڑی لے اڑا، مالک برابر میں کھڑا دیکھتا رہ گیا

جدہ میں چور گاڑی لے کر فرار ہوگیا جبکہ برابر میں کھڑا گاڑی کا مالک دیکھتا رہ گیا۔ سوشل میڈیا پر وڈیو وائرل ہے۔

المرصد ویب سائٹ کے مطابق گاڑی کی چوری کی وڈیو کلپ خود گاڑی کے مالک نے انجانے میں بنائی ہے۔ سڑک کے کنارے گاڑی کو سٹارٹ چھوڑ کر برابر میں کھڑے ہوکر مختلف اشیا کے نرخ دریافت کررہا تھا۔ اچانک ایک شخص آیا گاڑی کا دروازہ کھولا اور گاڑی لے کرفرار ہوگیا۔ 

گاڑی نے سپیڈ پکڑی تو اس کا مالک متوجہ ہوا اوراس نے شور مچانا شروع کردیا۔سڑک پرادھرادھر دوڑتا رہا۔  

یاد رہے کہ سعودی محکمہ ٹریفک مقامی شہریوں اور مقیم غیرملکیوں پر پابندی لگائے ہوئے ہے کہ کوئی بھی شخص اپنی گاڑی سٹارٹ حالت میں کہیں بھی نہ چھوڑیں۔

 مختلف شہروں اور قصبوں میں سٹارٹ حالت میں چوری ہونے والی گاڑیوں کی اطلاعات ملتی رہتی ہیں۔ محکمہ ٹریفک اس حوالے سے بار بار متنبہ کرتا رہتا ہے کہ سٹارٹ حالت میں گاڑی چھوڑنا نہ صرف مالک کے لیے نقصان دہ عمل ہے بلکہ یہ اب ٹریفک خلاف ورزیوں کی فہرست میں شامل ہے۔