شاہ سلمان نے چار شاہی فرامین جاری کردیے
دو عہدیداروں کی برطرفی اور ان کی جگہ دو کا تقر کیا ہے۔ ( فوٹو سبق)
خادم حرمین شریفین شاہ سلمان بن عبدالعزیز نے چیئرمین گورنمنٹ پروکیورمنٹ اتھارٹی غسان الشبل کو سبکدوش کرکے بندر الخریف کو نیا چیئرمین مقرر کیا ہے۔
سعودی خبررساں ادارے ایس پی اے کے مطابق شاہ سلمان نے اتوار کو چار شاہی فرامین جاری کرکے دو عہدیداروں کی برطرفی اور ان کی جگہ دو کی تقرری کی ہے۔
شاہ سلمان نے نائب وزیر تعلیم برائے جامعات ڈاکٹر حاتم المرزوقی کو سبکدوش کرکے ڈاکٹر محمد السدیری کو نیا نائب وزیر تعلیم برائے جامعات مقرر کیا ہے۔
شاہ سلمان نے برطرفی اور تقرری کے فیصلوں پر عمل درآمد کے احکامات بھی جاری کیے ہیں۔
