ازدواجی زندگی اچانک انتہائی بور کیوں؟

کیا آپ بور شوہر ہیں، 5 علامتیں ایسی ہیں جن سے معلوم کیا جاسکتا ہے کہ آپ بور شوہر ہیں۔ 

دو افراد کے درمیان باہمی الفت ومحبت کی بنیاد پر ازدواجی زندگی قائم ہوتی ہے مگر پھر اچانک یہ زندگی انتہائی بور ہوجاتی ہے۔ 

اس کی وجہ صرف بیوی کے لڑائی جھگڑے نہیں بلکہ بور شوہر بھی ہوسکتا ہے۔ 

الرجل میگزین میں شائع ہونے والی رپورٹ کے مطابق درج ذیل طریقوں سے معلوم کیا جاسکتا ہے کہ آپ بور شوہر ہیں۔ 

ماہرین کا کہنا ہے کہ بور شوہر میں پانچ علامتیں ہیں۔ 

پہلی یہ کہ وہ جھگڑالو اور تنہائی پسند ہے، بیوی کی ہر بات پر تنقید کرتا ہے اور اس کے حوصلے پست کرتا رہتا ہے۔ 

صرف اپنے بارے میں بات کرنا پسند کرتا ہے، اپنے کارنامے گنواتا ہے، سب کے سامنے اپنی خوبیاں بیان کرتا رہتا ہے۔ 

دوسرے کے جذبات کی قدر نہیں کرتا، دوسروں کا خیال رکھے بغیر تنقید کرتا ہے۔ 

ہر بات پر غصہ کرتا ہے، کسی چیز پر راضی نہیں ہوتا، اپنے پاس نعمتوں کی طرف توجہ نہیں جاتی، دوسروں کی خوشیوں پر کڑھتا رہتا ہے۔ 

ایک ہی معمول پر زندگی گزارتا ہے، سونے جاگنے اور پہننے کے علاوہ سوچنے کا ایک ہی انداز ہے جس میں تبدیلی لانے کے لیے تیار نہیں، یہاں تک کہ گھر کا ڈیکوریشن تبدیل کرنے پر قیامت کھڑی کردیتا ہے، کئی ہفتوں کے جھگڑوں کے بعد کسی چیز کی تبدیلی پر راضی ہوتا ہے۔ 

زندگی میں کوئی نمایاں اور منفرد چیز کے لیے کوئی استعداد نہیں رکھتا، تبدیلی کی ہر تجویز مسترد کردیتا ہے۔