سعودی عرب کورونا ویکسین سب سے پہلے حاصل کرنے والے ملکوں میں ہوگا(فوٹو،ٹوئٹر)
سعودی وزارت صحت نے کہا ہے کہ مملکت بھر میں سب لوگوں کو کورونا ویکسین مفت مہیا ہو گی ۔
ویب نیوز ’اخبار 24‘ کے مطابق مختلف ممالک کی جانب سے کورونا ویکسین کی جلد فراہمی کی خبروں کے تناظر میں مملکت کے شہری اور غیر ملکی ویکسین کے حوالے سے مختلف سوالات کر رہے ہیں ۔
وزارت صحت کے ترجمان نے بتایا کہ ویکسین مندرجہ ذیل شرائط پوری ہونے پرمہیا کی جائے گی ۔
ویکسین کے لیے جتنی کوشش ہو رہی ہے تاریخ میں اسکی مثال نہیں ملتی(فوٹو، ٹوئٹر)
ویکسین کامیابی سے تمام تجربات سے گزر چکی ہو
متعلقہ اداروں کی جانب سے منظور کر لی ہو گئی ہو
متعلقہ ویکسین کے سائیڈ ایفکٹس نہ ہوں
کورونا وائرس ختم کرنے کی صلاحیت رکھتی ہو
وزارت صحت کے ترجمان ڈاکٹر محمد العبد العالی نے بتایا کہ سعودی عرب کے متعلقہ ادارے ان تمام امور کی پابندی کر رہے ہیں ۔ان میں سے کسی بھی نقطہ کو نظر انداز نہیں کیا جائے گا ۔
سعودی عرب مذکورہ 3 خصوصیات رکھنے والی ویکسین سب سے پہلے حاصل کرنے والے ملکوں میں سے ایک ہو گا ۔
وزارت صحت کے ترجمان نے توجہ دلائی کہ دنیا بھر کے ممالک اور تنظیمیں نہ صرف محفوظ ویکسین تک رسائی کی دوڑ میں لگی ہوئی ہیں ،کورونا ویکسین کی تیاری کے حوالے سے جتنی کوشش ہو رہی ہے تاریخ میں اس کی نظیر نہیں ملتی ۔
ڈاکٹر العبد العالی نے مزید کہا امید ہے کہ آئندہ چند مہینوں میں کورونا ویکسین مہیا ہو جائے ۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
