جوڑوں کی حفاظت کے لیے کیا کرنا چاہیے؟

ہڈی کے جوڑوں کی تکلیف ایک موذی مرض ہے جو عموما ہماری لاپرواہی سے ہوتی ہے۔ ہم نادانستہ طور پر کچھ ایسے کام کرتے رہتے ہیں جن کی وجہ سے جوڑوں میں تکلیف شروع ہوجاتی ہے۔

ماہرین اور ڈاکٹرز سات عادتوں سے منع کرتے ہیں جن پر عمل کرتے ہوئے مستقبل میں ہڈی کے جوڑوں کی تکلیف سے  بچا جاسکتا ہے۔

چیٹ/گفتگو

ایسی چیٹ جو کئی گھنٹوں تک جاری رہے، یہ ہماری انگلیوں کے جوڑوں کے درد کا سبب  بنتی ہے۔ اس سے ہمارے کندھوں اور گردن کا فاصلہ بڑھ جاتا ہے اسی طرح یہ انگلیوں کو بھی متاثر کرتی ہے۔

گردن کو 2.5 سینٹی میٹر تک جھکانے سے آپ کے جوڑوں پر بوجھ بڑھ جاتا ہے۔ جب آپ اپنا  سر ٹھوڑی کے برابر جھکا کر بیٹھے رہتے ہیں تو پانچ سروں کے برابر کا وزن اپنے جوڑوں پر ڈال رہے ہوتے ہیں۔

غیر مناسب جوتے

جوڑوں کے درد سے بچنے کے لیے مناسب جوتوں کا استعمال بھی ضروری ہے، ہر طرح کی ورزش یا کھیل کے لیے اس کے مناسب جوتے استعمال کرنے چاہیے۔ اسی طرح اونچی ایڑھی والے جوتوں سے ہر ممکن اجتناب کرنا چاہیے، اس سے  پاؤں کی انگلیوں کے  درمیان فاصلہ بڑھ جاتا ہے۔

چٹکیاں نکالنا

چٹکیاں نکالنے سے وقت گزرنے کے ساتھ انگلیوں کے جوڑوں میں فاصلہ  پیدا ہوجائے گا جو ان کی کمزوری اور درد کا سبب بنتا ہے۔

بڑے بریف کیس

بڑے سائز کے بریف کیس  مسلسل ایک کندھے پر اٹھانے سے  کندھے میں درد کا سبب بن سکتا ہے، اس لیے کہ اس کی وجہ سے جسم کا وزن غیر متوازن ہوجاتا ہے۔ اس سے جوڑوں میں فاصلہ پیدا ہوجاتا ہے۔

نیند کی غلط پوزیشن

پیٹ کے بل سونے سے اگرچہ خراٹوں سے نجات مل سکتی ہے لیکن اس کی وجہ سے آپ کی گردن کا بوجھ ہڈیوں پرغیر معمولی ہوتا ہے جو ان میں فاصلہ بڑھانے کا ذریعہ بنتا ہے۔ یوں وقت گزرنے کے ساتھ ہڈیوں کی کمزوریوں کا باعث بنتا ہے۔

بیٹھنے کی پوزیشن

بیٹھنے کی پوزیشن درست ہونی چاہیے، آپ کی گردن اور کمر اگلی  طرف نہیں جھکی ہونی چاہیے۔ اس سے آپ کی گردن اور کمر میں تکلیف ہوسکتی ہے۔

کمپیوٹر کا زیادہ استعمال

اگر آپ کے کام کی نوعیت ایسی ہے کہ آپ کو کمپیوٹر کا استعمال بہرحال کرنا ہے تو  اپنے بیٹھنے کی پوزیشن کو درست انداز میں رکھیے۔ آپ کی گردن جھکی نہ ہو، اسی طرح کمر کی پوزیشن بھی درست رہے۔ سب سے بڑھ کر یہ کہ ہر گھنٹہ بعد تھوڑی دیر اٹھ کر چہل قدمی کرلیں۔