سوشل میڈیا پر خطیر رقم کی نمائش کرنے والے غیر ملکی گرفتار

شمالی حدود ریجن پولیس نے نا معلوم ذرائع سے حاصل کی جانے والی رقم کی سوشل میڈیا پر نمائش کرنے والے دو غیر ملکیوں کو گرفتار کرلیا ہے۔

سعودی پریس ایجنسی کے مطابق شمالی حدود ریجن پولیس نے کے ترجمان کرنل متعب الغامدی نے کہا ہے کہ ’سوشل میڈیا پر ایک ویڈیو شیئر کی گئی تھی جس میں دو افراد کو خطیر رقم کی نمائش کرتے ہوئے دکھایا گیا ہے‘۔

’یہ ویڈیو دونوں افراد میں سے کسی نے اپنے اکاؤنٹ پر شیئر کی تھی جس پر متعلقہ ادارے نے فوری طور پر شناخت کرلی‘۔

ترجمان نے کہا ہے کہ ’رفحا پولیس نے دونوں کو گرفتار کر لیا ہے، وہ پاکستانی تارکین ہیں جو عمر کی چوتھی اور پانچویں دہائی میں ہیں‘۔

’ان کے قبضے سے 85 ہزار ریال کی رقم ضبط کرلی گئی ہے‘۔

’ان سے تفتیش جاری ہے جبکہ ضابطے کی کارروائی مکمل کرنے کے بعد انہیں پبلک پراسیکیوشن کے حوالے کردیا جائے گا‘۔