’غیرملکی انجینیئرز کے اقامے کا اجرا اور تجدید رجسٹریشن کے بغیر نہیں ہوگی‘

سعودی انجینیئرز کونسل کے ترجمان صالح العمر نے کہا ہے کہ کونسل تمام غیرملکی انجینیئرز پر رجسٹریشن کی پابندی عائد کیے ہوئے ۔ اقامے کا اجرا اور تجدید رجسٹریشن کے بغیر نہیں ہوگی۔ اندراج کو اقامہ کارروائی سے منسلک کردیا دیا گیا۔ 

الاخباریہ چینل سے گفتگو کرتے ہوئے صالح العمر نے کہا  کہ ڈگریوں کی جانچ پڑتال کے لیے براہ راست ڈگری جاری کرنے والے ادارے سے رابطہ کیا جاتا ہے۔ ڈگری میں موجود اطلاعات کی تصدیق کی جاتی ہے۔ 

صالح العمر کا کنہا تھا کہ کوئی سعودی انجینیئر ایسا نہیں جس کے پاس جعلی ڈگری ہو، سب کی ڈگریاں چیک کی گئی ہیں۔

یاد رہے کہ مملکت کی لیبرمارکیٹ میں اعلی تعلیم یافتہ اور تجربہ کارانجینئنرز کی فراہمی کے لیے کونسل کی جانب سے معیار مقرر کیے گئے ہیں۔

 کونسل میں رجسٹریشن کے بعد انجینئرز کا پروفیشن ٹیسٹ لیا جاتا ہے جس میں کامیابی پر انجینئرز کو کونسل کی رکنیت دی جاتی ہے۔

 مملکت میں سعودی انجینئرنگ کونسل کا پروفیشن ٹیسٹ پاس کرنے کے بعد ہی غیر ملکی انجینئرز کا ورک پرمٹ جاری کیا ہے۔