سعودی مارکیٹ میں سونے کے نرخوں میں اضافہ

سعودی گولڈ مارکیٹ میں سونے کے نرخوں میں اضافہ ہوا ہے جبکہ ورلڈ گولڈ مارکیٹ میں سونے کے نرخ مستحکم ہیں۔

عاجل ویب سائٹ کے مطابق مملکت میں 24 قیراط ایک گرام سونے کی قیمت 226.54 ریال میں فروخت ہوتا رہا جبکہ 21  قیراط ایک گرام سونے کی قیمت 198.22 ریال ریکارڈ کی گئی۔ 18 قیراط ایک گرام سونا 169.91 ریال میں دستیاب رہا۔ 

سعودی عرب میں ایک اونس سونے کی قیمت 7050 ریال اور 21 قیراط کے 8 گرام سونےکے بسکٹ کی قیمت 1585.80 ریال رہی ہے۔ 

دوسری جانب بین الاقوامی مارکیٹ میں جمعے سے اب تک سونے کے نرخوں میں استحکام ہے۔

ایک  اونس سونے  کی قیمت  1876.70 ڈالر ریکارڈ کی گئی جبکہ امریکہ کی گولڈ مارکیٹ میں سونے کے طویل المیعاد معاہدے کم قیمت پر ہوئے۔ 0.2 فیصد کمی ریکارڈ کی گئی۔ ایک اونس سونے کی قیمت 1877.90 ڈالر رہی ہے۔