سعودی عرب میں سونے کے نرخ پھر بڑھ گئے

سعودی عرب میں بدھ کو سونا پھر مہنگا ہوگیا۔ عالمی منڈی میں بڑھتے ہوئے نرخ سعودی مارکیٹ پر اثر انداز ہوئے ہیں۔

عاجل ویب سائٹ کے مطابق 24 قیراط ایک گرام سونے کی قیمت 216.78 ریال ریکارڈ کی گئی جبکہ مملکت میں 21 قیراط سونا 189.68 ریال میں فروخت ہورہا ہے۔

اٹھارہ قیراط ایک گرام سونے کی قیمت 162.58 ریال رہی جبکہ 14 قیراط ایک گرام سونا 126.45 ریال میں دستیاب رہا۔ 

سعودی عرب میں ایک اونس سونے کی قیمت 6746.25 ریال جبکہ سونے کا سکہ 1517.44 ریال میں فروخت ہوا ہے۔

دوسری جانب عالمی مارکیٹ میں ڈالر کی قدر میں کمی اور امریکی بانڈز کا حقیقی منافع گرنے پر سونا مہنگا ہوگیا۔