سماجی امور کی برازیلین ماہر مارٹا میڈیرا کی ایک تحقیق میں بتایا گیا ہے کہ کچھ خواتین اپنا موازنہ خود سے زیادہ خوبصورت خواتین سے کرتی ہیں، ذاتی بہتری کے لیے یہ اچھی عادت ہے لیکن اس موازنے کے دوران ان سے کچھ سیکھنے کے بجائے اپنی کمتری پر افسوس کو معمول بنا لینا منفی عمل ہے۔
خوبصورت خواتین سے اپنا موازنہ کرتے ہوئے خود کو ان سے کمتر محسوس کرنے والی خواتین ایسا کرنے کی وجہ سے نفسیاتی مسائل کا شکار ہو سکتی ہیں۔
سیدتی میگزین کی رپورٹ میں سماجی ماہر کا حوالہ دیتے ہوئے کہا گیا ہے کہ 87 فیصد خواتین جب خود سے زیادہ خوبصورت خواتین سے اپنا موازنہ کرتی ہیں تو انہیں افسوس ہوتا ہے۔
مزید پڑھیں
-
بچوں پر چیخنے، چلانے کی عادت سے کیسے چھٹکارا پائیں؟Node ID: 589336 -
واٹس ایپ ہیک ہو جانے کی صورت میں کیا کریں؟Node ID: 589866 -
بے خوابی کی کیفیت پر کیسے قابو پایا جا سکتا ہے؟Node ID: 590546
ایسی خواتین کو دی گئی تجویز میں مارٹا میڈیرا کا کہنا ہے چونکہ ہر خاتون خوبصورتی کا اپنا انداز رکھتی ہے اس لیے دوسروں سے اپنا موازنہ نہ کریں۔ البتہ وہ یہ بھی تسلیم کرتی ہیں کہ دوسروں سے خود کو کمپیئر نہ کرنا خواتین کے لیے آسان نہیں ہے۔
دوسری خواتین سے موازنے کی عادت ترک کیسے کریں؟
سماجی ماہر مارٹا میڈیرا نے نو ایسی تجاویز دی ہیں جو ان کے مطابق خواتین کو موازنے کی اس عادت سے محفوظ رکھ سکتی ہیں۔
خود کو منفرد تسلیم کریں
سماجی ماہر کے مطابق یہ حقیقت ہے کہ خوبصورتی کے معاملے میں کچھ بھی حتمی نہیں ہوتا۔ خود کو منفرد تسلیم کرنے کی وجہ سے خواتین اپنے آپ سے مطمئن ہو سکتی ہیں۔ ان کے ذہن میں یہ بات رہے گی کہ ان جیسا کوئی نہیں اور وہ اپنی ذات کے اعتبار سے زمین پر منفرد حیثیت رکھتی ہیں۔
مقابلے سے دور رہیں
خوبصورتی کی انتہا کو پانے کے لیے لازم ہے کہ خواتین دوسروں سے اپنا موازنہ نہ کریں۔ مارٹا میڈیرا کے مطابق خوبصورت خواتین کے قریب پہنچنے یا ان سے آگے نکلنے کے مقصد کے تحت آپ جو کچھ بھی کریں گی، اس سے مقابلہ ممکن نہیں ہوتا اس لیے یہ موازنہ تھکا دینے والا عمل ہی رہتا ہے۔
خود کو خوبصورت تسلیم کریں
سماجی ماہر کے مطابق کسی ایک کو جو پہلو خوبصورت محسوس ہوتا ہے، دوسروں کے لیے ہو سکتا ہے وہ خوبصورتی نہ ہو، اس لیے کوئی بھی خاتون حقیقت میں بدصورت نہیں ہوتی۔ خواتین کو چاہیے کہ وہ جیسی بھی خوبصورت ہیں اسی کو سامنے رکھتے ہوئے اپنی خوبیوں کو انجوائے کریں۔
ذاتی کوششوں سے اپنی خوبصورتی کو انفلوئنس سے بچائیں
کوئی بھی خاتون میک اپ کی بنیادی تکنیک سیکھ کر اور خود پر جچنے والے کپڑوں یا رنگوں کے انتخاب کو بہتر کر کے اپنی خوبصورتی میں اضافے کے لیے ذاتی کوشش کر سکتی ہے۔ مارٹا میڈیرا کے مطابق ’یہ کوشش کامیاب رہے تو کوئی بھی خاتون دیگر خواتین کے ساتھ اپنا موازنہ کیے بغیر ہی خود کو بہتر محسوس کرے گی۔‘
جانیں کہ پرفیکٹ بیوٹی کچھ نہیں
خاتون کو اس بات سے واقف ہونا چاہیے کہ حقیقی خوبصورتی صرف خالق کائنات کے لیے ہی خاص ہے، اس کے علاوہ 100 فیصد پرفیکٹ بیوٹی کچھ بھی نہیں ہے۔ سماجی ماہر کے مطابق ’آئیڈیل خاتون وہ ہے جو اپنی خوبصورتی کی حد جانتی ہو اور خود کو دوسروں سے کمپیئر نہ کرے۔‘
خود سے مطمئن رہیں
مارٹا میڈیرا کہتی ہیں کہ کسی خاتون کا اپنے آپ سے مطمئن رہنا بھی اسے دوسروں کے ساتھ اپنے موازنے سے روکتا ہے۔ اپنے متعلق اطمینان ہونا خواتین کے ہاتھ میں ایک ایسا ہتھیار ہے جو انہیں دوسروں کے ساتھ اپنے موازنے سے روکے رکھتا ہے۔
